Kári til fyrirmyndar

Það er þörf á að vekja athygli á ummælum Kára Stefánssonar í meðfylgjandi frétt. Hann dregur réttilega fram að það var hann sem bar ábyrgð á rekstrinum og reynir ekki að kenna öðrum um.

Þetta mætti verða mörgum Íslendingnum þörf ádrepa, sér í lagi almenningi sem oft á tíðum reisti sér hurðarás um öxl í brjálæðislegu neysluæði og vildi síðan kenna öllum öðrum en sjálfum sér um það hvernig fór.

Kári áfram hjá ÍE

Verndum tungumálið

Vinstrimönnum er ákaflega tamt að ræða um sameignir þjóðarinnar og þegar þeir krefjast ríkisvæðingar þessa og hins er gjarnan vísað til þess að um sameign þjóðarinnar sé að ræða. Frjálshyggjumenn hafna tali um þjóðareignir, hvað þá þjóðarvilja.

Íslenska þjóðin á þó eina sameign og það er tungumálið. Tungumál sem haldist hefur lítt breytt í um eitt þúsund ára skeið. Þetta er hin eina og raunverulega sameign íslensku þjóðarinnar. Sameign sem hlúa skal að, enda getur hugsun í texta aldrei verið skýr og tær nema málfarið sé hreint og sem réttast.

Verðlaun fyrir gott starf

Lögleiðum kannabisefni

Það er orðið löngu tímabært að hætt sé að eltast við garðyrkjubændur sem rækta kannabisjurtir. Neysla kannabisefna verður aldrei upprætt og því eðlilegra að einstaklingarnir hafi frelsi til að rækta jurtir þessar hér innanlands, jafnt til sölu og einkanota.

Skilorð fyrir kannabisræktun

Hugmynd að niðurskurði

Útgáfa sérstaks fréttarits ríkisskattstjóra er enn eitt dæmið um bruðlið í opinberum rekstri. Það er nógu slæmt að ríkið vasist í rekstri ljósvakamiðla, að það þurfi ekki að ráðast einnig í útgáfu tímarita. Víða má skera niður.

Þær ríkustu skera sig úr

Ofbeldi vinstrimanna

Enn heldur sósíalistastjórnin áfram að berja á almenningi. Vinstrimenn vita fátt verra en að duglegir menn njóti ávaxta af sinni vinnu - ónei allt skal fara í ríkishítina. Hér er beinlínis verið að nota skattkerfið til að búa til lágtekjusamfélag. Aðgerð sem þessi mun ein og út af fyrir sig hafa í för með sér fólksflótta dugmikils fólks. Gleymum því að hálfmilljón í mánaðarlaun fyrir skatta eru ekki háar tekjur. Spáð er hraðminnkandi kaupmætti á næsta ári og munu aðgerðir stjórnvalda koma mjög illa við þá sem þurfa að bæta við sig vinnu til að geta greitt afborganir af lánum. Skattahækkanirnar eru tilræði við fólkið í landinu.

Nær væri að gera Ísland að skattaparadís og fella algjörlega niður skatt á launatekjur. Báknið skal burt, skera kal niður í rekstri hins opinbera um samsvarandi hlutfall. Við þvílíka breytingu yrði eftirsóknarvert að búa hér á landi, en því miður verður þetta ekki reyndin, því núverandi stjórnvöld þola ekki að fólk njóti frelsis.

Alltaf eru sósíalistar samir við sig í sínu ofbeldi. Rétt er að huga að því nú þegar rétt tuttugu ár eru liðin frá falli Berlínamúrsins og falli versta harðstjórnarveldis mannskynssögunnar sem fylgdi í kjölfarið. Harðstjórnarveldi sem ýmsir af núverandi ráðherrum tilbáðu.

Lengir í kreppunni

Hærri skattar draga úr bæði neyslu og sparnaði. Þar með dregst saman fjárfesting í atvinnulífinu og hægir á verðmætasköpun og sköpun nýrra starfa.  Kreppan verður því langvinnari og erfiðari fyrir Íslendinga. Rétt væri að stjórnvöld lækkuðu skatta og byrjuðu að skera niður. Hvar má byrja:

20 milljarðar í tónlistar- og ráðstefnuhúsi.

Ríkið þarf ekki að reka 5 ríkisháskóla (HI, HR, Bifröst, HA og Landbúnaðarháskólann)

Utanríkisþjónustan, á ekki Svavar hvort sem er að leysa öll mál og uppgjöf gegn ESB?

Heilbrigðiskerfið, ef setja á 10 prósent skatt á meðaltekju og efnameira fólk þá ætti miklu frekar að færa kostnað af grunnþjónustu í heilbrigðiskerfinu yfir á einstaklinga. Ríkið, skattgreiðendur, getur þá áfarm greitt fyrir þá sem ekki hafa efni á því og dýrir meðferðir og aðgerðir.

Drögum uppgjöfina til ESB til baka, 2 til 4 milljarðar.

47% skattur á launatekjur?

Hvar er Svavar?

Fannst stjórnarliðum ekki liggja beinast við að nýta samningatækni Svavars Gestssonar? Fram að þessu hafa forkólfar vinstriflokkanna ekki gagnrýnt Svavar fyrir samningana við Breta og Hollendingana og raunar hafði Steingrímur J. Sigfússon látið að því liggja skömmu fyrir kosningar að vænta mætti "glæsilegrar niðurstöðu". Ekki hafa fjölmiðlar haft mikla eirð í sér til að spyrja Steingrím hvað hann átti við með þeim orðum sínum.

Stefán verður aðalsamningamaður

Skattgreiðendur eiga að fá að kjósa

Það er fráleitt af ríkistjórn Íslands að færa hundruði milljarða skuld einkafyrirtækis yfir á skattgreiðendur. Í versta falli ættu skattgreiðendur að fá að kjósa um það hvort þeir taka þessa byrgðar á sig eða ekki.

„Hneyksli á Íslandi“

Góður Bjarni!

Bjarni Benediktsson er maðurinn sem á með réttu að vera forsætisráðherra Íslands. Maður sem þorir. Maður með bein í nefinu og ber höfuðið hátt, ólíkt þeim undirlægjum sem nú ráða ríkjum í stjórnarráðinu. Íslenska þjóðin á betra skilið en samstjórn vinstriflokkanna, sem ætlar að færa lífskjör hér á landi aftur um áratugi.

Ísland stóð eitt í hvirfilbylnum

Hvað með íslenska landráðamenn?

Þessi frétt frá Svíþjóð er athyglisverð og leiðir hugann að því að ýmsir íslenskir kommúnistar unnu fyrir sovésk stjórnvöld og hlutu meira að segja eftirlaun frá Moskvu. Það er kominn tími til að íslenskir vinstrimenn geri upp við þennan tíma. Margir af þingmönnum og ráðherrum Samfylkingar og Vinstri grænna aðhylltust verstu öfgastefnu allra tíma - kommúnismann - sem var í reynd blind trú á ofeldi, kúgun og grimmdarverk.

Jan Guillou var njósnari KGB