Hollendingar sýni ábyrgð á nýlendustefnu sinni

Það er lágmark að Hollendingar axli þá einhverja ábyrgð á nýlendustefnu sinni og þeim hörmungum sem hún hafði í kjölfarið á mörg svæði undir þeirra stjórn. Þá verða Hollendingar að axla ábyrgð á gjaldþroti allra fyrirtækja í Hollandi til þess eins að sýna ábyrgð.

Það sér það hver heilvita maður að skattgreiðendur landa eiga ekki að axla ábyrgð á skuldum einkafyrirtækja. Vitleysan í þessu öllu kristallast í þeirri staðreynd að ef Icesave hefði verið skráð sem dótturfyrirtæki í Hollandi væri Wouter Bos eflaust að þver taka fyrir það að greiða Bretum kröfur í einkafyrirtæki, líkt og Hollendingar gera nú gagnvart Belgíu og Lúxemborg.

Bos segir Íslendinga sýna ábyrgð

Ofbeldi vinstrimanna

Margir þeirra sem höllum fæti standa í samfélaginu hafa löngum stutt vinstrimenn og talið þá gæta hagsmuna sinna betur en hægri menn. Nú þegar vinstrimenn eru komnir með tögl og hagldir á öllu stjórnkerfinu kemur berlega í ljós að áhugi vinstrimanna á hagsmunum lítilmagnans var alla tíða ekkert nema innantómt raus. Hér sannast það sem menn hafa löngum vitað: Sósíalistar eru afar illa til þess fallnir að gæta hagsmuna borgaranna, enda byggist hugmyndafræði þeirra á heildarhyggju, einstaklingurinn er þeim einskis virði. Jóhanna var aldrei vinur litla mannsins. Hún er ekkert annað en gamaldags valdasjúkur pólitíkus.

Skattur á langveikt fólk

Ríkisstarfsmenn

Háskólamenntað fólk vinnur, því miður, allt of margt hjá ríkinu. Fjölmennar stéttir svo sem kennarar og annað starfsfólk skóla, heilbrigðisstarfsmenn, starfsfólk ráðuneyta og annarra stofnanna og starfsmenn ýmisar starfsemi sem er styrkt af ríkinu. Ríkisstarfsmenn skapa fæstir verðmæti, því er æskilegt að fækka þeim og hleypa verðmætu vinnuafli inn á svið sem skapa raunveruleg verðmæti.

Langskólamenntaðir hafa langflestir vinnu

Stjórnvöld að drepa niður allt atvinnulíf

Meðfylgjandi frétt er ágæt sönnun þess að núverandi ríkisstjórn er á góðri leið með að murka lífið út öllum atvinnurekstri með stórauknum sköttum. En hver veit nema þetta sé með ráðum gert - pína atvinnulífið sem mest. Við það aukast alltént áhrif og völd ráðherranna sem segja eins og einvaldskonungarnir forðum: "Vi alene vide!"

20% þurfa ekki aðstoð

... og ríkisbáknið þenst út

Auðvitað risu einhverjir opinberir starfsmenn upp til handa og fóta: Nú verður að herða öryggiseftirlit og bæta við fleiri opinberum starfsmönnum. Almenningur verður að vara sig á stöðugum áróðri opinberra starfsmanna sem heimta sífellt stærri skerf af kökunni. Öryggiseftirlit á flugvöllum hefur nú þegar tekið út yfir allan þjófabálk. Ríkisvaldið gerir upptæk kirnin öll af varningi við tollskoðun, en þessi eignaupptaka er hreinn og klár þjófnaður. Nefna má sem dæmi að ekki má vera með stærri ílát undir vökva en 100 ml í handfarangri flugvéla. Margir þurfa að ferðast starfs síns vegna einungis með handfarangur, sem þýðir að menn þurfa að hafa meðferðis ýmsan varning í handfarangri til daglegs brúks, eins og til að mynda raksápu. Nú háttar svo til að raksápa fæst ekki í brúsum minni en 100 ml, en ríkisvaldinu er sama um það og rænir raksápunni af flugfarþeganum.

Svona eru borgararnir beittir ofbeldi dag hvern af sífellt stækkandi ríkisbákni sem þenst út.

Eftirlit með flugi hert

„Skattkerfi frjálshyggjunnar“

Steingrímur í jólakveðjunni:

„dreifi „byrðunum á allt annan og réttlátari hátt en skattkerfi frjálshyggjunnar gerði.“

Var skattkerfi við lýði hér sem byggðist á frjálshyggju?

Þessi fullyrðing Steingríms J. Sigfússonar verður að teljast undarleg og undirstrikar vanþekkingu hans á hugmyndafræði frjálshyggjunnar. Hann er eins og Don Kíkótí sem barðist við vindmyllur, ímyndaðan andstæðing.

Það er erfitt að gera sér í hugarlund hvernig skattkerfi sem byggist á frjálshyggju hefði getað tekið 37,2% af öllum peningum sem einstaklingur vann sér inn; gert þá að 37,2% þrælum.

Ef hér hefði ríkt skattkerfi byggt á frjálshyggju hefðu skattar verið í lágmarki. Þeir hefðu rétt dugað til að standa straum af helstu grunnstofnunum landsins á borð við dómskerfi og landvarnir. Frjálshyggja er ekki anarkismi.

Skattkerfi byggt á frjálshyggju hefði verið alls óraunhæft á síðustu árum miðað við stærð og geigvænlega útþenslu ríkisbáknsins.

Nær hefði verið fyrir Steingrím að segja í jólakveðju sinni:

... um ármótin verður tekið upp nýtt tekjuskattskerfi sem ver tekur enn meira frá hinum tekjulægstu fyrir skattahækkunum og dreifir byrðunum á allt annan og réttlátari enn ranglátari hátt en skattkerfi frjálshyggjunnar sósíaldemókratisma Sjálfstæðisflokksins gerði. Það þurfti Vinstrihreyfinguna  – grænt framboð til.

Tók við af „búskussa“

Klúður

Þá má allt eins veit Obama friðarverðlaun Nobels fyrir það eitt að verða forseti og vinstrimaður. Kreppan sem við göngum í gegnum er enn ein peningakreppan sem verður rakin til FIAT money stefnunnar. Þetta er eins og að verðlauna feitum krakka sem fær tannpínu með sykurmola.

Bernanke maður ársins hjá Time

Hrokafullur fjármálaráðherra

Í meðfylgjandi frétt sagði orðrétt:

"Steingrímur J. Sigfússon, fjármálaráðherra, sagði að þegar fjárlögum hefði verið lokað í desember hafi verið gert ráð fyrir 153 milljarða halla. Eins og horfum stóðu síðsumar stefndi yfir 180 milljarða króna halla þrátt fyrir aukna tekjuöflun og sparnað um mitt árið."

Þetta er svona ámóta málflutningur og í haust þegar lekið var út að skelfilegar skattahækkanir stæðu fyrir dyrum, en nei bíðum við, síðan eru þær kynntar og þá eru þær "ekki alveg jafn skelfilegar" og í fyrstu áhorfðist.

Skilaboð hins hrokafulla fjármálaráðherra til þjóðarinnar eru: Gerið ykkur þetta að góðu - við gætum pínt ykkur ennþá meira, því okkar er ríkið - mátturinn og dýrðin.

Steingrímur: Vel sloppið

Hvar eru kvenréttindasinnar nú?

Það er staðreynd - óumdeilanleg staðreynd - að konur fá nánast alltaf vægari dóma en karlar fyrir sömu eða sambærileg brot. Til að mynda hefur kona aldrei fengið 16 ára dóm hérlendis fyrir manndráp, jafnvel þó svo að atvik í sumum málum, þar sem kona var að verki, hafi verið hrottalegri en í öðrum þar sem karlmenn voru að verki og fengu 16 ára dóm.

Er þetta ekki mál sem yfirlýstir jafnréttissinnar ættu að taka upp á sína arma? Hér er augljóslega mismunað á grundvelli kynferðis. Eða skyldi maður öllu heldur tala um kvenréttindasinna? Eru þeir þá þeirrar skoðunar að konur séu bara veikara kynið og þoli ekki harðari dóma?

Öll umræða um þetta misrétti væri þörf.

Eins og blaut tuska í andlitið

Alltof hár áfengiskaupaaldur

Áfengiskaupaaldur hér á landi er alltof hár, sem sýnir sig best í því að ungt fólk hefur drykkju nokkrum árum fyrir tvítugt. Af þessu misræmi hefur orðið til tvöfalt siðgæði sem meðal annars hefur leitt af sér skólaböll, þar sem enginn á að vera ölvaður (enda ógildir ölvun miðann), en nemendur staupa sig þess í stað í heimahúsum með miklum hraði.

Skynsamir menn hljóta að sjá að það er vænlegra að ungt fólk (í flestum tilfellum fullorðið samkvæmt lögum) fái að drekka áfengi inni á sínum eigin skipulögðu samkomum. Það getur ekki leitt til alvarlegri drykkjuvanda ungs fólks en er nú þegar staðreynd.

Vilja banna bjórkvöldin