Fíflagangur

Er Barack Hussein Obama einhver sérstakur friðarsinni? Sósíalistinn á forsetastóli sem vill undirbúa stóraukinn vígbúnað í Afganistan? Fær hann ef til vill friðarverðlaunin fyrir að semja frið við Clinton-fjölskylduna?

Ronald Reagan, fyrrverandi Bandaríkjaforseti, er sá einstaklingur á seinni árum sem áorkað hefur mestu í þágu heimsfriðar og hans þáttur í falli ógnarstjórna kommúnista í Austur-Evrópu verður seint ofmetinn. Hann var hins vegar ekki nógu góður kandídat fyrir vinstrielítuna á Vesturlöndum og Sovétleiðtoginn Gorbachev var sæmdur friðarverðlaununum árið 1990. Þá voru Jimmy Carter veitt verðlaunin árið 2002 fyrir einhver viðvik hjá Sameinuðu þjóðunum. Glöggskyggnir menn sjá að hér er engrar sanngirni gætt og aðeins pólitísk sjónarmið sem ráða för.

Það eru hinir raunverulegur baráttumenn fyrir frelsi sem stuðla að friði í heiminum, verslun og viðskipti færa menn saman, auka eindrægni meðal þjóða og færa menn aukna hagsæld, sem dregur enn frekar úr líkum á ófriði.

Obama fær friðarverðlaunin

Athugasemdir

[Inside Bilderberg (IP-tala skráð) 9.10.2009 kl. 14:14]

Nákvæmlega!

[Eva Hauksdóttir (IP-tala skráð) 9.10.2009 kl. 16:21]

Þegar verslun og viðskipti þjappa ákveðnum þjóðum og hagsmunahópum saman um það markmið að auka hagsæld sína á kostnað annarra þjóða og einkum á kostnað lítilmagna er það kallað alþjóðahyggja og þykir æðislegt.

[SS (IP-tala skráð) 9.10.2009 kl. 18:06]

Adolf Hitler var hægrisinnaður.

[Hah (IP-tala skráð) 9.10.2009 kl. 18:28]

Væri það sami Reagan og sá sem studdi hryðjuverkasamtökin Contra og seldi Írönum vopn? Auk þess sem þáttur hans í falli Sovetríkjanna er stórlega ofmetinn af fylgismönnum hans.

[Landið (IP-tala skráð) 9.10.2009 kl. 22:24]

Adolf Hitler var jafnaðarmaður eða sósíalisti samanber nafn flokks hans. Það er samt mörgum vinstrimönnum ofar öllum skilningi.

Reagan átti einn stærsta þáttinn í falli Sovétríkjanna enda neyddi hann þau út í mikið vígbúnaðarkapphlaup sem ussr áttu engan möguleika á að viðhalda og gerðu það á kostnað annarra verkefna sem olli fallinu. Alþjóðahyggja snýst ekki um hagsæld á kostnað eins eða neins. Það er gömul vinstrivilla að einn græði og annar tapar á viðskiptum.

[Kaname (IP-tala skráð) 11.10.2009 kl. 03:25]

Það kemur vissulega spánskt fyrir sjónir að Obama séu veitt friðarverðlaunin á þessum tímapunkti. En átti maður sem

1) Gerði innrás í varnarlausa Karíabahafseyju.

2) Háði leynilegt og ólöglegt stríð á hendur smáríki í Mið-Ameríku.

3) Viðhafði náin tengsl við Saddam Hussein og hvatti til herferðar hans á hendur Íran, seldi svo báðum aðilum vopn í stórum stíl á meðan á stríðinu stóð. Vopnasalan til Írans var þar að auki í trássi við blátt bann Bandaríkjaþings.

4) Studdi ýmsa af verstu einræðisherrum heims með ráðum og dáð, s.s. Suharto í Indónesíu.

- og svo mætti áfram telja - skilið að fá friðarverðlaun Nóbels?? Það getur auðvitað ekki nokkur hugsandi maður tekið svona vitleysu alvarlega.

[Landið (IP-tala skráð) 11.10.2009 kl. 15:07]

Það sem svo augljóslega er verið að segja hérna er að þáttur Reagan í falli Sovétríkjanna sé stærsta einstaka skref í átt til friðar á seinni tímum. Ég skora á Kaname að nefna einhvern sem hefur lagt meira til friðar á seinni hluta tuttugustu aldar og Reagan.