Veður í villu og svíma

Einn af helstu gæðingum verkalýðshreyfingarinnar, Kristján Gunnarsson, talar í fréttinni um að hér á landi hafi verið gerð eitthvað sem hann kallar "frjálshyggjutilraun". Maðurinn veður í villu og svíma. Við sem aðhyllumst frjálshyggju getum með engu móti skilið hvernig stóraukin ríkisútgjöld og sífellt stærra ríkisbákn á umliðnum tuttugu árum samræmast því að hér á landi hafi verið fylgt stefnu sem kenna mætti við "frjálshyggju". Kristján gerist hér sekur um lýðskrum af versta tagi. Þjóðin þyrfti að fá að jafna sig eftir skefjalausan sósíalisma umliðinni áratuga, en nei - Kristján vill auka umsvif og afskipti hins opinbera og þar með hlekkja borgaranna enn frekar, enda er hann andstæðingur einstaklingsfrelsis eins og fram kemur í fréttinni.

„Tilraunin mistókst“ með herfilegum afleiðingum

Athugasemdir

[Skríll Lýðsson, 8.10.2009 kl. 13:23]

Komið þið sæl en og aftur, ætla ekki að fara standa í rifrildi umúþenslu ríkisbáknsins eða neitt þess háttar, mig rennur í grun að hann sé að tala um það þegar krónan var sett á flot og allar haftir á fjármagnsflutningum voru afnumdar og fjármagnseigendur nýttu sér það óspart en sá gjörningur hafði og mun hafa afleiðingar um ófyrirséða framtíð.

Bestu kveðjur.

[Landið (IP-tala skráð) 8.10.2009 kl. 17:14]

Ertu að tala um inngönguna í EES þá?

[Skríll Lýðsson, 9.10.2009 kl. 10:24]

mér er alveg sama hvað það heitir eða hvert ferlið var, það sem skiptir mig máli og kemur við mína lífsafkomu er það sem kom útur því,niðurstaðan er sú að mín lífsgæði hafa hrapað niður úr öllu valdi og ég sé ekki framúr mínum skuldum fyrir tilverknað einhverra kassahausa.

[Landið (IP-tala skráð) 9.10.2009 kl. 11:55]

Held að skuldir þína hafi ekkert með það að gera að menn gátu skipt á ávísunum hindranalaust. Miklu heldur að ríki voru að tryggja bankakerfi sín og keppast um að veita mestu tryggingarnar til að fá sem mest viðskipti. Nú og þá líka fáránleg afskipti af húsnæðismarkaðnum með ríkisábyrgðum á lánum. Það segir sig sjálft að sprengja verður þegar slíkt er gert. Margir vöruðu við því t.d. Peter Schiff sem bæði skrifaði bækur og greinar um það allt farm að hruni. Í einni bókinni lýsir hann hruninu nákvæmlega eins og það átti eftir að verða.

Eignabólur sem ríkisstjórnir búa til eru alltaf tilfærsla á verðmætum í þessu tilviki frá þér til fjármagnseiganda.