Of háar bætur

Bætur atvinnuleysistryggingasjóðs eru of háar í samanburði við lægstu laun. Þá er á almanna vitorði að stór hluti þess fólks sem þiggur atvinnuleysisbætur vinnur svarta vinnu.

Til að sporna við þessu væri rétt að færa greiðslu atvinnuleysisbóta frá ríkisvaldinu. Hér á landi sjá lífeyrissjóðir um greiðslu eftirlauna. Að sama skapi mætti hugsa sér að sérstakir sjóðir launþega sæju um greiðslu tímabundinna atvinnuleysisbóta. Það er ávísun á óráðsíu og bruðl að hafa þessa úthlutun í höndum ríkisins.

Að sama skapi væri rétt að menn greiddu til baka það fé sem þeir fá meðan þeir eru atvinnulausir með sama hætti og þiggjendur námslána greiða niður sín lán.

Hér skal þó ekki gert lítið úr þeirri staðreynd að raunverulegt atvinnuleysi er nokkurt. Það er þó jafnljóst að á því verður engin breyting til batnaðar meðan núverandi ríkisstjórn er við völd. Ríkisstjórn sem berst gegn allri erlendri fjárfestingu, viðheldur gjaldeyrishöftum og hefur það sem sitt helsta markmið að skattpína fólk og fyrirtæki sem mest.

25 milljarðar í atvinnuleysisbætur

Athugasemdir

[Durtur, 20.7.2010 kl. 13:01]

Var fengið sér aðeins of mikið kampavín með kavíarnum í morgun? Maður hlýtur altént að þurfa að vera fullur til að gæla við svona fávitagang: það dettur engum heilvita manni í hug að neinar bætur hérna á klakanum séu of háar, hinsvegar eru lágmarkslaun allt of lág og þessvegna leiðinlega lítill munur á bótum og launum oft. En til hamingju með alla velgengina, þið hljótið að vera yndislegar mannverur.

[Axel Jóhann Hallgrímsson, 20.7.2010 kl. 14:05]

Maður verður orðlaus og það blikar tár á hvarmi yfir manngæskunni og náungakærleikanum. Hreint út sagt magnaður félagskapur þetta frjálshyggjufélag.

[Pétur (IP-tala skráð) 20.7.2010 kl. 14:25]

Durtur: Lægstu laun eru vissulega of lág, en með hækkandi bótum verða þau bara enn lægri.

Axel: Þetta er hin raunverulega manngæska: Að byggja á frelsi einstaklingsins sem mest og að sjá til þess að skattheimta sé ekki of mikil.

[Predikarinn - Cacoethes scribendi , 20.7.2010 kl. 14:56]

Eru það ekki atvinnurekendur og sjálfstæðir einyrkjar sem mynda greiðslur inn í Atvinnuleysistryggingasjóð með því að greiða tryggingagjald af öllum greiddum launum sem og reiknuðu endurgjaldi sjálfstæðra ? Þannig eru það ekki skattgreiðendur sem leggja til þessa fjármuni í gegn um ríkissjóð heldur atvinnulífið sjálft. Ríkið hins vegar hefur skuldbundið sig til þess að leggja sjóðnum til fé að láni sem ber vexti og verðbætur, þegar svo illa árar svo sem nú hefur verið um skeið og sjóðurinn tæmist af fjármunum.

Þannig fá skattgreiðendur slíkt lán aftur til baka með rentum

Hitt er annað mál að sjálfsagt er að fylgjast með því að kerfið er ekki misnotað þannig aðmenn sem þiggja bætur vinni ekki svart sem kallað er um leið.

Síðan er það kannski athugunarefni að lægstu laun eru nú sennilega of lág fyrst að þau slefa ekki upp fyrir atvinnuleysisbætur, enda eru þær ekki til skiptanna því enginn lifir lúxuslífi af þeim. Menn leyfa sér nú lítið fyrir þessar 120-147.000, krónur á mánuði. allir hljóta að sjá það.