Allt sem ég vil er Frelsi

Hvað er svona flókið við það að láta fólk í friði? Af hverju mega samkynhneigðir ekki njóta þess að lifa og vera til eins og fólk með aðrar hneigðir? Nú eða bara einstaklingar yfir höfuð. Þessi einstaklega ruglaði þingmaður er frjáls að hafa sínar skoðanir en hann hefur engan rétt á að þvinga þær upp á nokkurn mann né hóta fólki lífláti sem ekki lifir eftir hans öfugsnúnu gildum. Hvaða skoðun sem menn hafa á samkynhneigð þá eiga samkynhneigðir sama rétt til frelsis og allir aðrir.

Látum þessa frétt vera okkur varnaðarorð gegn stjórnmálamönnum sem boða siðferði sitt með lögum það er því ekki nema stigsmunur á banni á samkynhneigð og banni gegn dansmeyjum á súlum.

Vill dauðarefsingu yfir samkynhneigðum

Athugasemdir

[Dingli, 20.4.2010 kl. 05:26]

Bloggið ber menn víða. Síst hefði mig grunað að ég ætti eftir að skrifa á blog  frjálshyggjunnar og vera sammála hverju orði greina höfundi þar.

[gummi (IP-tala skráð) 20.4.2010 kl. 07:16]

maður ræður því hvort maður dansar á súlum, maður stjórnar hins vegar ekki kynhneigð

[Kristján (IP-tala skráð) 20.4.2010 kl. 09:18]

Er samkynhneigð ekki ein tegund af geðsjúkdómi?

[Oddgeir Einarsson (IP-tala skráð) 20.4.2010 kl. 10:18]

Margir keppast við að hlaupast upp á frelsisvagninn þegar það er pólitískt rétt. Hinir sömu hoppa gjarnan jafnharðan niður af honum þegar frelsið snýr að einhverju sem þeim mislíkar. Frjálshyggjumenn hætta hinsvegar aldrei að draga vagninn og bjóða uppáhopparana ávallt velkomna aftur þegar þeir sjá ástæðu til að vera á vagninum.

[Vilhjálmur Andri Kjartansson (IP-tala skráð) 20.4.2010 kl. 11:44]

Það má vera að það sé rétt hjá þér Gummi en stjórnmálamenn ráða því hvort þeir banna hvoru tveggja og slíkt er ólíðandi.

[Gunnlaugur Snær Ólafsson (IP-tala skráð) 20.4.2010 kl. 15:57]

Það sem er merkilegast við allar slíkar umræður eru fordómar þeirra fordómalausu gegn þeim sem eru ekki sammálla réttlætiskennd þeirra.

Gummi: Hvernig veistu að menn stjórna ekki kynhneigð, kannski eru sumir sem gera það en aðrir ekki... málið er einfaldlega að þetta skiptir ekki máli hvort menn stjórna því eða ekki. Menn eiga að hafa frelsi til þess að gera eins og þeir vilja, óháð réttlætiskennd þeirra er telja sig Guði líkum.