Allt uppi á borðinu

Í skýrslu rannsóknarnefndar Alþingis er tilgreindur styrkur frá Kaupþing banka til Frjálshyggjufélagsins að upphæð 150 þúsund krónur árið 2004.

Sá er þáttur frjálshyggjunnar í hruni íslenska bankakerfisins.

Skýrslan kom þjóðinni á óvart

Athugasemdir

[Birnuson, 13.4.2010 kl. 13:08]

Bank, bank. Kalla eftir svari við athugasemd minni um styrki til ríkiskirkjunnar. Spurningin er í stuttu máli: Telur Frjálshyggjufélagið að fært sé að segja upp tilvitnuðu samkomulagi og setja eftir þörfum lög til að herða á því að kirkjan eigi engan skaðabótarétt vegna missis kirkjujarða, eða væri slík aðgerð í andstöðu við eignarréttarákvæði stjórnarskrár?

[frjálshyggjumaður (IP-tala skráð) 13.4.2010 kl. 16:53]

Ég tel fráleitt að hugsa sér að ríkiskirkjan eigi skaðabótarétt á hendur ríkissjóði, sem sannarlega er eigandi kirkjujarða. Ríkissjóður er í ofanálag búinn að standa straum af rekstri kirkjunnar í meira en öld.

[Birnuson, 14.4.2010 kl. 12:08]

Ég er fullkomlega sammála því sanngirnissjónarmiði. Spurningin snýst ekki um það heldur um hugsanleg lagaleg vandkvæði á því að losna undan gildandi samkomulagi við þjóðkirkjuna. Er ekki einhver lögfræðingur í félaginu sem getur sagt skoðun sína á því?

Svo þarf að smala í hóp þingmanna til að fá þetta fellt úr gildi: frjálshyggjumanna í Sjálfstæðisflokknum, jafnaðarmanna í Samfylkingunni og guðleysingja hjá Vinstri grænum.