Þjóðnýtingarstefna ríkisstjórnarinnar

Ríkisvæðingarstefna stjórnvalda er grímulaus. Að þessu tilefni er ástæða til að minna á 72. gr. stjórnarskrá. Hún er svohljóðandi:

Eignarrétturinn er friðhelgur. Engan má skylda til að láta af hendi eign sína nema almenningsþörf krefji. Þarf til þess lagafyrirmæli og komi fullt verð fyrir.

„Eigandinn heldur áfram að borga“

Hamingjuóskir

Það er full ástæða til að óska Guðrúnu Dögg hjartanlega til hamingju með titilinn enda vel að sigrinum komin.

Guðrún Dögg valin Ungfrú Ísland

Lögleiðum kannabisefni

Er ekki orðið tímabært að lögleiða kannabisefni og hætta þessum kjánalega eltingaleik við garðyrkjubændur?

Kannabisræktun í miðborginni

Lausnarorðið er frelsi

Steingrímur J. þarf að fara að átta sig á því að vandi ríkissjóðs verður ekki leystur nema með því að koma hjólum atvinnulífsins í gang. Aukin skattheimta og ríkisafskipti munu drepa allt atvinnulíf í dróma.

Framsóknarmenn í afneitun

Ályktun Frjálshyggjufélagsins um nýja ríkisstjórn

Frjálshyggjufélagið hvetur hina nýju ríkisstjórn Íslands til að hefjast þegar handa við endurreisn hins íslenska hagkerfis. Ríflegar skattalækkanir, víðtækur niðurskurður á ríkisútgjöldum og afnám hafta á einkaframtaki þar sem ríkið lögverndar eigin einokunarstarfsemi eru brýnustu aðgerðir þessa verkefnis. 

Einnig þarf að taka peningamálastefnu ríkisins til gagngerrar og róttækrar endurskoðunar og skilja að ríki og hagkerfi. Ríkið á hvorki að gefa út mynt né segja fyrir um hvaða myntir má versla með í frjálsum viðskiptum. Skilyrði fyrir því að skattar séu greiddir í ákveðnum myntum ætti ekki að blanda saman við notkun frjálsra einstaklinga og fyrirtækja þeirra á hvaða myntum sem þeir kjósa. 

Nú virðast allar yfirlýsingar og aðgerðaáætlanir núverandi ríkisstjórnar benda til þess að enginn lærdómur hafi verið dreginn af efnahagshruninu. Í stað þess að afnema ríkisafskipti þau sem keyrðu Ísland hraðar en flest lönd í djúpa niðursveiflu, þá eigi að halda áfram á sömu braut, bara á enn meiri hraða. 

Útþensla ríkisvaldsins, aukin skattheimta, ríkisafskipti og röng peningamálastefna eru bæði bein og óbein loforð núverandi ríkisstjórnar. 

Frjálshyggjufélagið harmar þessa stefnumörkun og leggur til að öllu vænlegri uppbyggingarstefna verði innleidd - stefna sem snýst um að leyfa frjálsum viðskiptum að blómstra. Ríkisreksturinn verði takmarkaður við örfá verkefni sem vel skal sinnt.