Eitt skref í átt að ritskoðun

Fyrsta skrefið í átt að ritskoðun verður tekið með slíkum lögum. Ekki mun líða á lögnu þar til þrýstihópar koma með kröfur um að víkka út skilgreininguna á lögunum. Fyrst fer allt klám síðan erótískar verslunarsíður, torrentsíður og næst afþreyingarsíður sem ekki verða taldar æskilegar af stjórnvöldum.

Uppeldi barna á að vera í höndum foreldra  ekki hins opinbera.  Gerum ekki samfélagið að einum stórum leiksskóla.

Vill heimild til að loka fyrir aðgang að tilteknum vefsvæðum

Athugasemdir

[DoctorE (IP-tala skráð) 3.5.2010 kl. 17:47]

Já menn eru að taka á netinu.. það á að takmarka eitt helsta mannréttindatól mannkyns.... koma á það böndum og eyðileggja.

[Vilhjálmur Andri Kjartansson (IP-tala skráð) 3.5.2010 kl. 17:49]

Það er rétt DoctorE enda hefur netið sýnt sig sem eitt besta vopn gegn stjórnvöldum hvar sem þau eru niðurkomin í heiminum.

[Vendetta, 3.5.2010 kl. 18:49]

Sammála. Ekkert gott kemur af almennri ritskoðun á netinu eða dagblöðum. Hins vegar ætti að vera auðveldara að lögsækja þá aðila sem skrifa níð og lygar um fólk og fá skaðabætur. Þetta er nær ógjörningur hér á landi.

[Karl (IP-tala skráð) 3.5.2010 kl. 19:20]

"Já það er náttúrulega hræðilegt að ritskoða barnaklám
og síður þar sem menn geta undir nafnleynd lagt aðra í einelti með gróflegum hætti."

[Árni Þór Björnsson, 3.5.2010 kl. 19:56]

Það samræmist ekki tjáningarfrelsinu. EN- það er hægt að setja inn forrit sem síar burtu allt klám sama hvers eðlis sem það er sem beinist að þinni IP tölu. Auðvelt og ókeypis.

Þetta eru réttindi sem ekki skal afsala sér. Áunnin réttindi sem margir hafa dáið fyrir.

Það er hægt að vinna á þessum níðingum með öðrum hætti ,t.d. berja þá því ekkert er gert

þó þeir náist.!

[Geiri (IP-tala skráð) 3.5.2010 kl. 20:08]

Ég held að enginn hérna sé að tala fyrir því að barnaklám verði lögleitt, bara margir ekki fylgjandi þessari aðferð.

Það er stórhættulegt að stjórnvöld fái að ráða því hvaða vefsíður séu aðgengilegar almenningi og hverjar ekki. Æskilegri leið er að handtaka þá sem taka upp / birta efni eins og barnaklám hefðbundnu leiðina.

Athugið að klám almennt er bannað á Íslandi (án þess að það sé til nákvæm skilgreining á hvað sé klám) þannig að þetta gæti endað með því að ríkisvaldið hafi mikið svigrúm til þess að loka á það sem þeim þykir vera klám. Þetta er stórhættulegt sérstaklega á meðan við höfum vinstrisinnaðan feminista sem menntamálaráðherra.

[Hnefi (IP-tala skráð) 3.5.2010 kl. 22:13]

Hér búinn að vera myljandi ritskoðun og ÞÖGGUN í fjölmiðlium áratugum saman, kannski ekki gert með lagaboði heldur hótunum um að svipta viðkomandi miðil auglýsingatekjum, áróðursmaskínur eru vægðalaust notaðar til að draga tennur úr geltandi skoltum sannleiksþystra.

Pólitíkusar eru búnir að vera með puttana í íslenskri fjölmiðlaflóru frá upphafi, menn skulu ekki voga sér að halda því fram að hér hafi ekki verið stunduð ritskoðun...það var mammon sem stýrði. Kannski finnst sumum það eðlilegt.

[Landið (IP-tala skráð) 3.5.2010 kl. 23:24]

Ég gef lítið fyrir samsæriskenningar á borð við þær sem Hnefi gerir hér uppi. Það er auðvitað þannig á frjálsum markaði að eigendur fjölmiðla geta haft áhrif á það sem í þeim er birt annað væri óeðlilegt. Hér hefur hins vegar ekki verið ritskoðun enda tjáningarfrelsi verið virt og hver sem er getað tjá sig um það sem hann vill. Ekki rugla því saman að fá aðgang að fjölmiðlum til að spýja út bulli og vitleysu og réttindum til að geta tjáð sig að vild án ritskoðunnar frá ríkisvaldinu.