Gefum verslun með áfengi frjálsa

Almenningur lætur ekki bjóða sér okrið í áfengiseinokunarverslun ríkisins og grípur til eigin ráða. Þannig hefur það verið og þannig mun það verða meðan ríkið stundar fjárplógsstarfssemi á hendur þeim sem kjósa að neyta áfengra drykkja.

Það er orðið löngu tímabært að lækka álögur á áfengi og gefa verslun á ÖLLU áfengi frjálsa, samhliða því sem áfengiseinokunarverslun ríkisins verði lögð niður. Að auki er rétt að áfengiskaupaaldur verði lækkaður í 16 ár eða 18 ár, enda vart nokkur skynsamleg rök sem hníga að því að fullorðið fjárráða fólk megi ekki kaupa áfenga drykki.

Lausnarorð Íslendinga í þessum sem öðrum er frelsi.

Staðinn að verki við landasölu

Athugasemdir

[Andri (IP-tala skráð) 6.2.2010 kl. 20:29]

reyndar eru til ein rök fyrir því að fólk undir tvítugu skuli ekki neyta áfengis, en þau eru að heilinn er yfirleitt ekki orðinn fullþroska fyrr en í kring um 20 ára aldur, þó svo hann nái fullri þyngd um 18 ára aldur, en áfengi hefur einmitt árhyf á heilann eins og flestir ættu að vita.

[Benjamín Plaggenborg, 7.2.2010 kl. 12:10]

Andri, heilinn er ekki orðinn fullþroska við tvítugt heldur. Áfengi hefur (slæm) áhrif á heilann sama á hvaða aldri maður drekkur það, en verri eftir því sem maður er yngri. Spurningin er bara hvar draga skal línuna, og af hverju ekki við sjálfræði?