Hinir nýju einvaldskonungar

Á 18. öldinni ömuðust siðavandir klerkar við skemmtunum almennings sem oftar en ekki fólust í dansi, söng og drykkju. Með tilskipun Danakonungs var dans því bannaður og raunar lagðist dansmennt af alls staðar á Norðurlöndum í kjölfarið vegna stranglútherskra siðaspeki sem bannaði mönnum að skemmta sér.

Á 21. öldinni hugsa íslenskir vinstrimenn líkt og kirkjuleiðtogar 18. aldar og nýta sér ofurtök á samfélaginu til að banna fólki að dansa nakið gegn greiðslu. Nú, líkt og fyrir hálfri þriðju öld, ætla menn að heimfæra eigin ofstæki í siðferðismálum upp á fólk með ofbeldi.

Sumir læra aldrei neitt.

Alþingi bannar nektardans

Athugasemdir

[Skúli (IP-tala skráð) 24.3.2010 kl. 21:26]

Ennþá bara talað um vinstrimenn jájá, ekkert um að þingmenn úr öllum flokkum hafi staðið að baki málinu og samþykkt það...

[frjálshyggjumaður (IP-tala skráð) 25.3.2010 kl. 01:25]

Jú, vinstrimenn úr öllum flokkum.

[Gústaf Níelsson, 25.3.2010 kl. 14:54]

Hetjur frelsisins létu sig hverfa úr þingsalnum, en eftir sátu þau Árni Johnsen og Ragnheiður Elín og sátu hjá við atkvæðagreiðsluna. Þetta er nú allt viðnámið gegn talibanískri þróun á Íslandi. Maður spyr sig óneitanlega, hvað verður það næst? Kannski frumvarp um netlöggu? Það væri eftir öðru.

[Skúli aftur! Hvenær ætlar hann að hætta? (IP-tala skráð) 28.3.2010 kl. 15:26]

http://www.althingi.is/altext/138/03/l23140722.sgml

Hmm mér hefði ekki dottið í hug að hægt væri að kalla Guðlaug Þór, Pétur Blöndal, Einar K Guðfinns og Ásbjörn Óttars vinstrimenn...